Álftatalning 2014

Það er farið á hverjum mánudagsmorgni með kíkir og álftirnar taldar sem voru á Neslandavíkinni.

Fyrsta álftin kom í viku 16 sem er 3 vikum fyrr en árið áður. Eins og í fyrra þá gerðu fyrstu 2 álftirnar sér hreiður á mýrinni og varð það til þess að engin álft sást á víkinni í viku 19 vegna þess að þær voru báðar í hreiðurgerð. Í viku 27 birtist önnur álft á víkinni en var rekinn mjög fljótt aftur og skýrir það toppinn sem myndaðist. Mest sáust 9 álftir á víkinni sem er töluvert minna en var í fyrra.

Álftirnar voru 4 vikum lengur núna fram á haustið miðað við síðasta ár og fór síðasta álftin í viku 48. Síðan talningar hófust á álftum hér í safninu hefur það ekki skeð áður að álftirnar hverfi á haustin í vissan tíma og birtist aftur. Skýringin á þessu er sú að í þessum vikum lagði vatnið en ísinn tók svo aftur upp og þær birtust.

Þessar niðurstöður verða svo unnar frekar í samstarfi við Náttúrurannsóknarstöðina við Mývatn.

Álftatalning

Fuglasafn Sigurgeirs ses, Ytri-Neslöndum, 660 Mývatn, kennitala: 521107-0300,
Sími 464 4477, tölvupóstur fuglasafn(hjá)fuglasafn.is